costâ
cos|tâ
[FO]
-
v.intr.
vê un cost, vê di jessi passât par passâ di proprietât o par jessi furnît tant che servizi:
il tunel tal 1970 si veve calcolât che al costàs tresinte milions di francs (Agnul di Spere, Fieste di inaugurazion);
il prin pâr di scarpis che o ai vût [… nol costave plui di cinc francs (Pieri Menis, Il gno prin pâr di scarpis);
si sa, i siums no costin un solt e alore, lôr doi, a davin cuarde ae fantasie (Roberto Ongaro, Il muc)
Sin. valê
, vignî
-
(ass.)
no jessi a gratis, vê un presit, soredut un presit alt:
la leç austriache dai 17 di Dicembar 1862 e declarave la abolizion dai feuts, ma daûr di un judizi di sfrancjament, che al jere lunc e al costave (Adrian Cescje, Liniis di storie sociâl e economiche dal Friûl 1500 - 1800);
l'asêt al costave, che al vignive da la Italie! (Dino Virgili, La aghe da pît la cleve)
-
v.intr.
(fig.)
compuartâ un sfuarç, un sacrifici, une pierdite e v.i.:
e smurmuià fra i dincj, come se chê rispueste i costàs cuissà ce fadie (Pieri Menis, Chei di Muraie);
i bêçs si à di tignîju cont, cun tancj sudôrs che a costin (Riedo Pup, Zuan Gjeremie);
ce ti costial di dâi sodisfazion a di chê femine? (Gianni Gregoricchio, Trê feminis)
Sin. compuartâ
, esizi
, implicâ
, pesâ
Proverbis:
- a dî ben nol coste nuie
- a volê ben nol coste bêçs
- a volê ben nol coste nuie
- a volêsi ben nol coste bêçs
- a volêsi ben nol coste nuie
- cortesie di bocje no coste bêçs
- e coste bêçs dome la prime boce
- il savè al coste
- la aghe no coste bêçs
- nissun nol sa ce che e coste, dome chel che le paie
- nissun sa ce che e coste la robe, nome cui che le paie
- ogni principi al coste fadie
- un plat di buine ciere nol coste bêçs
- une peraule des voltis e coste cjare