consorzi
/-òr-/
con|sor|zi
[CO]
-
s.m.
[LE]
comunitât di personis:
i umin, dispiardûts par la tiara si meterin in aleança fra lôr, e si clamarin popui, e derin vita al consorzi e a la fuarça sociâl (Federigo Comelli, Il me paîs)
Sin. comunitât
, societât
Cfr. umanitât
-
s.m.
associazion di plui ents o societâts o sogjets par rivâ a obietîfs condividûts:
Mariane e veve menât il cjâf, ma il perît dal consorzi [agrari] al veve taiât curt, declarant sclet che chescj a jerin i ordins par vie de "battaglia del grano" (Gianni Gregoricchio, Îr e doman);
tal 1999 al è nassût il CFL2000 (Centri Friûl Lenghe 2000) un consorzi di socis li che cumò a son dentri: la Universitât dal Friûl, la Societât Filologjiche Furlane, il Consorzi Universitari dal Friûl, l'Istitût Ladin Furlan pre Checo Placerean, la Union dai Scritôrs Furlans, la Cooperative di Informazion Furlane, la Cooperative Serling e il Circul Culturâl Menocchio (Adrian Cescje, Presentazion dal GDBTF)