codarûl
co|da|rûl
[CO]
-
adi., s.m.
che, cui che al è nassût par ultin intune schirie di fradis:
"Chest, siôr capelan, al è un frut di gale, e nol sarà il codarûl" (Maria Forte, Cjase di Dalban);
in chel, Mariana, la sour codarola, à spalancât la puarta (Ovidio Colussi, Il pilustrât)
Sin. code
, codute
, ultin
Var. codarôl
-
adi., s.m.
(ancje fig.)
che, cui che al è rivât par ultin o che al è ultin intune classifiche, intune jerarchie e v.i.:
il Friûl-V. J. nol à rivât adore di stabilî un asset instituzionâl gnûf al è restât codarûl fra dutis lis Regjons talianis (Giuseppe Marinig, La Euroregjon dai autonomiscj)
Sin. code
, codute
, ultin
-
adi., s.m.
che, cui che al à ideis une vore conservadoris, che al è indaûr in relazion cui timps che a corin:
disêtmi codarûl tant che o volês: ma chescj agns, che mi impensi jo, no jere cussì (Josef Marchet, Lis predicjis dal muini)
Sin. codon
-
s.m.
part finâl dal fîl de schene:
lu tire pa cjavece, / lu bat sul codarûl, / e il mus strinzint la code / al marcje a cessecûl (Zaneto, Si trote!)
Sin. cudurûl
, cudule
-
s.m.
part finâl di alc, ancje di une dade di timp:
na dì, tal codarûl di Zenâr, l'era tal aiar un odôr di solfar che no mi dava nuia di bon (Celso Macôr, Dô bachetis in crôs)
