Dizionari de Lenghe Furlane

codon  /-òn/  co|don  [CO]

1. s.m. (incr.) code grande, viôt code
2. s.m. [CO, TS] ornit.com. uciel minût, colôr blancjit e neri o maron scûr, cun code drete, lungje come dut il rest dal cuarp, lat. sient. Aegithalos caudatus:  o pensavi ai uciei, un cjap di codons che te matine o vevi viodût a scjampâ svolant viars il bas (Alan Brusini, 1943 Conte di naie e di vuere alpine)
   Sin. parussulin de code lungje
3. s.m. cui che al à ideis une vore conservadoris, che al è indaûr in relazion cui timps che a corin:  "E cui l'è il candidât?" "No lu indovinis?" "No savarès… cualche codon" (Luîs Merlo, Tra parincj)
   Sin. codarûl
   Cfr. codin , code
4. s.m. [BF, TS] arm. sprolungje te culate dal arcabûs che si fissave te incassadure

Proverbis:

• cuant che a passin i codons, i uciei a finissin