clip
clip
[AF]
-
adi.
(ancje fig.)
a mieç jenfri cjalt e frêt, spec. in maniere plasevule:
"Anìn a fâ un bagn" dissal Shell […]. La aghe e jere clipe (Dino Virgili, La strade come un destin);
o jerin za in Mai, un Mai di chei rârs, clip e dorât e, di sere, un bonodôr di rosis pardut (Alan Brusini, Par stradis lungjis);
stradelutis di cjamp inmò clipis di soreli a mont (Dino Virgili, La aghe da pît la cleve);
lôr a fevelin pulît - par chel che al coste fevelâ ben! - ma il lôr cjantonut comut e clip sal tegnin dûr e divuardi a urtâur un comedon! (Josef Marchet, Iresponsabilitât)
Sin. tivit
, tividin
-
(fig.)
di colôr, delicât:
colôrs scûrs e segns fuarts, come chei di Caravaggio, migo come chei clips dal Tiepolo, bogns juste par fâ agnui e nûi colôr di rose (Cristina Noacco, Faliscjis)
-
s.m.
(ancje fig.)
temperadure o clime plasint, a mieç jenfri il cjalt e il frêt:
di cheste stagjon si tiravisi dongje di dutis lis bandis, si cirive il clip dal fogolâr, il bonodôr de polente (Josef Marchet, Lis predicjis dal muini);
al jere sot dal clip des coltris co une grande scampanelade lu fâs di colp jevâ sù in senton (Pieri Somede dai Marcs, Dure leç)
Sin. tivit
, tividin
-
adi.
(fig.)
pôc ferbint o espansîf o entusiast o fuart e v.i.:
une idee […] che al lasse clip, se no frêt, il sindic di Udin (Redazion Lenghe.net, Scandai: "Cecot al podeve pensâi prime");
une prime reazion avonde clipe (Carli Pup, Il Friûl de Joibe Grasse dal 1511)
Sin. debil
, flevar
, strac
Cfr. frêt