cjarece1
/-è-/
cja|re|ce
[AF]
-
s.f.
dimostrazion di afiet, fate tocjant lizêr cu la man:
Zuan al poià ancjemò une cjarece sul cjâf dal frut po si invià par lâ sù a durmî (Maria Forte, La tiere di Lansing);
al vierç la puarte de «zardinete» par fâ une cjarece al cjan e po si sente, mieç dentri e mieç difûr, impiant un sigaret (Pieri Somede dai Marcs, Ta la ombre dal santuari)
Sin. cjarinade
-
(fig.)
azion lizere, delicade, ancje di elements inanimâts, che si fâs sintî su la piel:
si butarin dentri da la aghe vistûts come che a jerin, a sintîsi chê aghe in dut il cuarp, a sintî cun dut il cuarp la cjarece dolce de «lôr» aghe (Dino Virgili, La aghe da pît la cleve);
nissune monede no rivave a paiâ la lûs di chê aghe verde di pôi, ni la cjarece frescje de jerbe dai rivâi (Maria Forte, La cjase dal Murat)
Sin. cjarinade
, cjarineç
-
(antifr., iron.)
colp violent dât cu la man:
"Tip! Tap! No si vin fat capî avonde! E alore vie cuntune altre cjarece!" (Stiefin Morat, Donald dal Tiliment)
Sin. pataf
, man
, pugn