circuit
/-ù-/
cir|cuit
[CO]
-
s.m.
percors sierât di une gare, che al pues ancje jessi ripetût plui voltis, o ancje percors di gare in gjenerâl, ancje no sierât:
mieç trop al veve sbaliade strade e, su un volt dal circuit, si scontrarin ducj e e vignì fûr une maçadice (Alan Brusini, I coridôrs di Tresesin)
Sin. percors
, itinerari
-
s.m.
percors o itinerari obleât o indreçât o racomandât:
il circuit turistic culturâl de capitâl catalane al zire dut suntun numar precîs di puescj e di monuments, la plui part architeturis di Antoni Gaudí (Fabrizi Paschin, Gaudí architet e autonomist)
Sin. percors
, itinerari
, zîr
-
s.m.
sisteme di distribuzion di un prodot o di un servizi:
une radio venite dal circuit di Radio Birichina (Max Mauro, Un Friûl difarent: i 90 mhz di Onde Furlane)
Sin. zîr
-
s.m.
serie di esercizis che si fasin daûr di un ordin precîs:
lavôr a circuit
-
s.m.
[TS]
tecn.
percors di un fluit o di un materiâl intun implant industriâl:
si son fermadis ancje lis pompis dai circuits di disfredament (Alessandro Pascolini, Il disastri de centrâl nucleâr di Fukushima Dai-ichi)
-
s.m.
eletr.
spazi e in particolâr sisteme formât di elements tant che condutôrs, resistôrs, interutôrs e v.i. li che e pues circolâ la energjie eletriche, ancje fasint funzionâ un dispositîf:
il cjamp eletric intrinsic al sburte i puartadôrs di cjarie, liberâts de interazion cui fotons di lûs, intune direzion sole che intal circuit esterni si manifeste intune corint continue (Lorenzo Marcolini, Lis celis organichis nanostruturadis)
-
s.m.
(fig.)
dinamiche cicliche, cun causis e efiets che si ripetin:
un circuit pervers che ogni om di sintiment e di dignitât al à di batisi se i ten pardabon a l'autonomie (Antoni Beline, Il buratinâr catodic)
Sin. zîr
, circul