ceste /cè-/ ces|te [CO]
-
s.f.
recipient, pal solit di vencs, di forme plui o mancul semisferiche e pal solit cuntun mani semicircolâr parsore:
si puartave la robe ben distirade in dôs grandis cestis di vencjâr (Pieri Somede dai Marcs, La Madone dai siet dolôrs);
a vendevin colaçs tes sagris cu la ceste sul braç (Alan Brusini, Come tai romançs)
Sin. zei , zee , cos , cosse , sbrinzie , cagnestri , zaie- cuantitât di robe che e sta ta chel recipient: si saveve che in chê cjase, il presit di un morôs lu fasevin a cestis di panolis e a zeis di uve (Maria Forte, L'aventari pal barcon)
- cui che al impreste al piert la ceste
- cui che al preste al piert la ceste