Dizionari de Lenghe Furlane

centrâ  cen|trâ  [AF]

1. v.tr. cjapâ un bersai tal mieç:  i canons, intant, su lis monts dulintor, a tiravin colp daûr colp, cence soste, cirint di centrâ dipuesits e stradis (Pieri Menis, Cemût che o soi restât caporâl); un camion todesc plen di munizions al ven centrât in plen (Alan Brusini, Amîs come prime)
   Sin. becâ , cjapâ
   
   1. (fig.) rivâ a un obietîf:  al sucêt che no si crodi ai segnâi che a contin i malâts e alore no si rive a centrâ il risultât (Carli Morandin, Interviste a Attilio Maseri)
   2. (fig.) capî o induvinâ une cuistion, une soluzion, une rispueste e v.i.:  il scritôr Hans Kitzmüller, reladôr de convigne, al à centrât in plen il concet etnoantropologjic, prime che gjeografic, dal Lusinç, di Gurize e dal Friûl di Soreli jevât (Musicologi, Lovisoni: musiche e aghis)
2. v.tr. meti, fissâ, ecuilibrâ e v.i. rispiet a un pont centrâl:  centrâ un cuadri te suaze
   Sin. incentrâ
   
   1. indreçâ e mantignî indreçât suntun obietîf:  deficit di atenzion. No si rive a centrâ la atenzion su ce che nus sucêt o suntune persone (Franc Fari, Il cjâf dai furlans)
3. v.tr. (impropr., tal.) vê a ce fâ, viôt jentrâ :  «Ce centrial chest cumò?» (Francesca Gregoricchio, La dentiere pierdude)