carulât
ca|ru|lât
[CO]
-
p.pass., adi.
viôt carulâ
, viôt carulâsi
-
adi.
dal len o di alc fat di len, plen di busis di carûl:
sot dal paviment frait e carulât a balin lis pantianis (Pieri Somede dai Marcs, Cjase di fitâ);
une puarte carulade che e jere stade butade jù a pidadis (Raffaele Serafini, Altris contis di famee)
Sin. carulît
-
adi.
di un dint, sbusât de azion di bateris:
sô fie, par curiositât, i cjale in bocje e e viôt, invezi, che il dint carulât al jere imò tal so puest (Vico Bressan, Scaiis - Il Strolic furlan pal 1967)
Sin. carulît
-
adi.
(fig.)
plen di busis, di ponts di debilece, di difiets, di magagnis, di fastidis:
fi di pari vieli e carulât / no tu pûs vê il vigôr / di tiei fradis nassûts nel timp passât (Pieri Çorut, Lu moli a slas)
Sin. carulît