carnîr
car|nîr
[CO]
-
s.m.
borse li che i cjaçadôrs a metin lis bestiis copadis:
"Va a preparâmi la sclope e il carnîr, tu Catine" (Bruno Paolo Pellarini, Amôr in canoniche);
Eliseo al veve tal carnîr dôs cuaiis e cualchi dordel (Carlo Sgorlon, Prime di sere)
Sin. goife
, paissarde
-
borse o sac no tant grant, par meti cualsisei robe, no dome lis bestiis cjaçadis:
Favetti, se no lu savês ancjemò, al fâs al cursôr da Clape. […] Al ti ven drenti, como ogni dì, cul so carnîr plen di letaris (Ugo Pellis, Dô peraulis di preambul a Storiutis gurissanis);
al pitoche Zuanat dai Spirts, che al fâs ogni setemane il zîr des cjasis cul carnîr a cirî la farine (Josef Marchet, Lis predicjis dal muini)
-
s.m.
contignidôr di vencs che si puarte su la schene:
ven l'Invier, ultin davûr / viluçât tun abit scûr, / cu la siarpe ator dal cuel / e la nêf in sul cjapiel. / Su la schene al à un carnîr: / se si romp varìn in zîr / aiar, frêt e rafredôrs (Pieri Masut, Pronostic)
Cfr. cos
, cosse
, zei
Proverbis:
- va a mulin cul carnîr se no tu pûs lâ cul sac