cambiâsi
cam|bi|â|si
[AF]
-
v.pron.intr.
vê un mudament, une trasformazion:
chel biel plan [il plan di Darte] in citât si cambiarès (Toni Broili, Il furlan in Parnâs);
"Cumò cjolit la figure di un bo." Il Diaul intun bati di voli si cambià in chest anemâl, e al de ancje dôs o trê munguladis par someâlu miei (Luigi Gortani, Meni Fari)
Sin. trasformâsi
, mudâsi
, mudâ
, cambiâ
, voltâsi
Var. gambiâsi
, gjambiâsi
-
v.pron.intr.
dâsi la volte un cun chel altri, cjapâ un il puest di chel altri:
se al ves podût vê un frut e… avonde companadi, eco, no si sarès cambiât nancje cul caisar (Maria Forte, "Nossent")
Sin. mudâsi
-
v.pron.intr., v.pron.tr.
metisi intor alc altri, vistîsi intune altre maniere:
"Sêstu strac? Âstu fan? Ûstu cambiâti?" (Bruno Paolo Pellarini, Amôr in canoniche);
"Cambiiti di mude / e met lis scarpis che ti meni / a scuele a Cividât" (Enrico Fruch, Memoriis di scuelâr);
lôr a àn bielzà poiât jù il russac, si cambiin la maie (AAVV, Lupo Manarie e chei di Contecurte)