Dizionari de Lenghe Furlane

buzaron  /-òn/  bu|za|ron  [CO]

1. s.m., adi. (pop.) che o cui che si dediche al ses anâl, in gjenar cence il significât origjinâl, tant che apelatîf ofensîf o negatîf gjeneric:  la Mabile e jes intal ort daûr de cjase a ricuei cualchi alc pal gustâ. E e viôt Tin che al spessee a cjoli sù pomodoros, dut gobo e in cidin, cuntun zei. «Ma ce stâstu fasint, buzaron che tu sês?» (Meni Ucel, Mangjativis); "Spesseait, fiis di buzaronis; no viodêso che al ven dì?" (Luigi Gortani, Un paîs misteriôs)
   Sin. fotût , sborât , buzarât , putan , buzar , buson , sbuson
   
   1. (fig.) che, cui che al à voie di imbroiâ o di mateâ o di cjoli vie:  o sintii cualchidun a sgagnî disint che o vevi puartadis lis rosis dal gno strop ae morose. «E ce predi!» al comentave chel buzaron «Cui lu varessial mai dit?» (Pieri Menis, La scuele dai fornasîrs)
   2. (fig.) cun significât une vore plui lizêr, che, cui che, ce che nol vâl nuie, che no si à di cjapâ sul seri, che al è fûr dal vade e v.i.:  noaltris che o vin vude cheste idee buzarone di fâ un gjornâl par furlan, o vin za mostrât di no vê pierdude ogni sperance (Josef Marchet, Dome un rimiedi par salvâ il furlan: insegnâlu tes scuelis)
   3. tal fem., tant che imprecazion gjeneriche:  "L'artist che al sint la art, al adore ancje il sogjet che lu ispire e jo o sint di volêi za ben a chê frute." "A buzarone, buzarone. Baste, baste o ai capît." (Costantino Smaniotto, Co l'amôr al cimie)
      Sin. buzarât
   4. (enf.) ancje par formâ espressions cun valôr di superlatîf:  come il lôr solit, vevin ducj i doi une fan buzarone (Rinaldo Vidoni, Cemût che sant Pieri l'è restât sence cjavei)
      Sin. fotût , maledet , stramaledet

Polirematichis e espressions idiomatichis

• anime buzarone loc.s.f.

Proverbis:

• e vâl plui une ploie te sô stagjon che no un tesaur buzaron