buine volontât
[BF]
-
loc.s.f.
disposizion psicologjiche di impegn par che lis robis a vegnin ben o par fâ dal ben:
l'operari, cjârs voaltris, si jude di bessôl! E, cuant che al à buine volontât di lavorâ, al cjate simpri pagnut vie pal mont (Riedo Pup, La bolete dal forment);
la frute e je cressude, e à finide la scuele, e je stade un pâr di agns a imparâ a cusî, e je deventade un sestin di cristianute, plene di sintiment e di buine volontât (Josef Marchet, Lis predicjis dal muini)
Sin. buine voie
, voie di fâ ben
Components:
Proverbis:
- cuant che e je la buine volontât di lavorâ, al è dut
- cui che al à buine volontât al cjate ce fâ pardut
- di buine volontât al è plen cjadaldiaul
- il plui grant ben e je la salût e la buine volontât parie