brusadule
/-à-/
bru|sa|du|le
[CO]
-
s.f.
fete di cjar magre, pal solit di purcit e cul vues, di fâ su lis boris o ancje in altris manieris:
cumò tortis, budins, colaçs, gubanis, / poleçs, cjapons, dindie, vidiel, salvadi, / muset cu la bruade, / brusadulis, frituris, / e mignestris di crodi che al sei tocjo (Zaneto Del Puppo, 'Sefut in Paradîs);
veva viodût Simon che vigniva fûr di una becjaria cul plat di peltri plen di brusadulis e cuntuna biela rosa di brocul sot il bras (Ranieri Mario Cossâr, Il sechin tal font dal sac)
-
(ancje fig.)
ancje in espressions che a vuelin dî une situazion cun doi aspiets o dôs pussibilitâts:
zira, volta, messeda, la brusadula mi mostrava simpri un sôl viars. Tant vâl duncja tentâla (Federigo Comelli, Il me paîs)
Cfr. medaie
, monede
, fertaie