blestemâ
bles|te|mâ
[AF]
-
v.intr., v.tr.
fâ esclamazions o declarazions che a van cuintri di une divinitât, cuintri de religjon:
poiant la cjarte a pestavin i pugns vosant e blestemant (Alan Brusini, Gian Paolo Linda, I forescj);
"[…] Altri che preâ, altri che lamentâsi. Da blestemâ a sarès, fradi. Blestemâ chista vita, blestemâ il Signour e blestemâti te e ducjus chei che a stan ca coma te a preâ e a patî." (Pier Paolo Pasolini, I Turcs tal Friûl)
Sin. corponâ
, corpononâ
, cospetâ
, cospetaçâ
, cospetonâ
, maledî
, osteâ
, porconâ
, resiâ
, sacraboltâ
, sacramentâ
, sangonâ
, tirâ jù
Var. blastemâ
, bestemâ
-
v.intr., v.tr.
dî robis che a ufindin cualchidun o alc che al varès di jessi rispietât o che a son cuintri di ce che al è calcolât vêr e just:
vualtris, nus disin, o viodês dut neri di ca dai cunfins e dut biel di là; o blestemais cuintri lis cunvinzions che i nestris paris nus àn metudis tal sanc (Josef Marchet, Blestemis);
"Parcè mo i Batistons anin di murî pe lôr tiare?…" No stâ blestemâ, gjo, Guri! Si po, sì, murî par un sium!… (Dino Virgili, La aghe da pît la cleve)
-
ufindi o pronunziâ ofesis in maniere une vore agressive:
"Bastarts! Sassins!…" al blestemave Setimio, cui voi che a brusavin e il pugn par aiar (Gianni Gregoricchio, Îr e doman)
Proverbis:
- preâ e ben no fâ, al è tant che blestemâ