bleon /-òn/ ble|on [AF]
-
s.m.
ognidun dai doi têi che si distirin sore dal jet, un sot de persone e chel altri sore:
l'infermîr al meteve in sest il jet restât vueit, al voltave il stramaç, al cambiave i bleons, al si sbassave par netâ sot vie (Alan Brusini, Il malât di Cime Undis)
Sin. linzûl- (ancje fig.) in metaforis o paragons par alc di grant: une cjarte [topografiche] di Vignesie grande come un bleon (Arturo Feruglio, Viaç a Vignesie)
-
(ancje fig.)
in metaforis o paragons par alc di blanc:
la flame alte dal nadalin e slungjà un slambri ros aur sul bleon de nêf blancje (Pieri Menis, Il pignarûl);
"Po, e tu ce i âstu rispuindût?" al domandà Tite che al jere vignût blanc tant che un bleon di lissie (Roberto Ongaro, Il muc)
Cfr. mûr , piece lavade , cere
- a bleons loc.av., loc.adi.inv.
- al è miôr fruiâ scarpis che no bleons
- chei che a duarmin sot di un bleon a son di une sole opinion
- cui che al fruie scarpis nol fruie bleons
- cui che si distire plui che a son luncs i bleons, si discuvierç i pîts
- cul cjalt dai bleons no si fâs boli la cite
- il cjalt dai bleons nol fâs boli il pignat
- il cjalt dai bleons nol fâs boli la cite
- nûl a scjalins, ploie a cjadins; nûl a barcjons, ploie a bleons
- nûl a scjalins, ploie a sglavins; nûl a barcjons, ploie a bleons