linzûl
lin|zûl
[AF]
-
s.m.
ognidun dai doi têi che si distirin sore dal jet, un sot de persone e chel altri sore:
no vevin i linzûi e a durmivin sui materàs (Igor Londero, Delit in vie del Lavoro);
parsore la plete dal linzûl a vevin metût un cussin, e di chê altre bande une cuvierte rosse ben pleade (Carlo Sgorlon, Prime di sere)
Sin. bleon
Var. ninzûl
, lenzûl
, linzôl
, lenzôl
, ninzôl
-
(fig.)
in paragons o espression metaforichis pal colôr blanc:
un zovin palit come un linzûl (Carlo Sgorlon, Il dolfin)
Sin. mûr
, piece lavade
, peçot di lissie
-
(fig.)
cualsisei robe che e cuvierzi, che e stedi parsore, che e plati, soredut se e je di colôr blanc:
la nêf e veve cuviert di un biel linzûl blanc dut il teren (Pieri Somede dai Marcs, Lis scuelis e la nêf);
al pareve che [la cjampane] e sunàs propit li dabàs, platade te torbere, sot dal linzûl blanc de fumate basse (Pieri Menis, Il cuader de none)
-
s.m.
(fig., scherç.)
toc di tele o sfuei di cjarte une vore grant