cere
/cè-/
ce|re
[AF]
-
s.f.
materiâl tenar e zalit, o blanc se al ven rafinât, produsût des âfs par fâ i celets, doprade par fâ cjandelis, cosmetics e v.i.:
chel che tu olevis che jo o fasès cui umign, eco, tu tu lu âs fat cu lis âfs, e invece di spietâ che ti dessin la mêl e la cere, tu âs finît cul copâlis dutis (Catarine Percude, Lis âfs);
e cjol un lumin di cere, lu impie e lu met denant de Madone (Pieri Somede dai Marcs, Il prossim)
-
(ancje fig.)
in paragons o metaforis par alc di blanc o une vore clâr:
a Nita lis doiis i fasevin strenzi i dincj, riçâ il cerneli, sierâ i voi a strent. E jere blancje come la cere, dentri dai linzûi (Dino Virgili, La aghe da pît la cleve);
a àn viodût puar Tite fer, cui voi sierâts, cu la muse blancje di cere (Pieri Menis, Perdon o imbroi?)
-
s.f.
[BF]
statue fate di chel materiâl
-
s.f.
prodot di ceris naturâls o sintetichis par lustrâ i paviments, i mobii di len e v.i.:
no si vês netâts nancje lis scarpis sul netepîts, o ai a pene dât la cere (Pieri Somede dai Marcs, Un pugn di moscjis);
breis pituradis cul pais e lustradis a cere (Roberto Ongaro, Il muc)
-
s.f.
sostance grasse di colôr coce produsude di glandulis de orele