autonom
/-tò-/
au|to|nom
[FO]
-
adi.
che al à la prerogative di podê aministrâsi cence dipindi in dut di un podê centrâl:
La Contee e jere autonome dentri dal Imperi e e jere aministrade dai Stâts Provinciâi (Ferruccio Tassin, Autonomie tal Friûl austriac)
-
che al à facoltât di autoguviernâsi ad in plen:
Tellini al è il pari di ogni idee di Friûl […] tant che nazion autonome (Donato Toffoli, Il lunari mai jessût - Tellini te prime vuere mondiâl)
Sin. libar
, indipendent
-
tal ordenament talian, che si aministre daûr di un statût di autonomie:
il Friûl-Vignesie Julie al è costituît in Regjon Autonome, indotade di personalitât juridiche (Aministrazion Publiche, Statût Speciâl de Regjon Autonome Friûl-Vignesie Julie)
-
adi.
che nol à di dipendi di chei altris, in particolâr de famee, che al è bon di viodi di bessôl:
siei fîs a son grancj, e aromai autonoms
Sin. autosuficient
, indipendent
, emancipât
-
no condizionât di altris fatôrs:
a acetin […] che la sielte dal arbitri, che e à di sei dome sô, autonome, e sedi definitive (Adrian Cescje, Memoriis di politiche linguistiche)
Sin. libar
-
adi., s.m.
che, cui che nol è incuadrât intun rapuart di lavôr subordenât:
il setôr de edilizie al vierç la strade a une grande varietât di ativitâts autonomis: cualchi emigrant al met sù aziendis ancje impuartantis (Javier Grossutti, La emigrazion dal Friûl - Vignesie Julie in Canadà);
i autonoms a pain dut [il contribût de sigurazion sanitarie] di bessôi (Barbara Cinausero, Austrie. Sigurazion sanitarie, un sisteme che al funzione benon)
Sin. professionist ipon.
, libar professionist ipon.
, artesan ipon.