professionist
/-ìst/
pro|fe|ssi|o|nist
[AF]
-
adi., s.m.
che, cui che al fâs une cierte ativitât par mistîr, soredut cence jessi sot paron:
avocats, professioniscj di diviersis categoriis, int avonde inscuelade, che e varès di savê pensâ cul so cjâf (Josef Marchet, Cjalâ plui inlà);
lis valutazions a van fatis par fassis di etât e par categoriis sociâls (contadins, operaris, impleâts, professioniscj, insegnants,…), par ambients sociâi (cjase, scuele, ufici, fabriche,…) (Adrian Cescje, Memoriis di politiche linguistiche)
-
che, cui che par esperience di lavôr, al à une grande cure e abilitât tecniche:
culì o vin, dut câs, un professionist de traduzion, che nol è gnûf a chestis provis straordenariis (Laurin Zuan Nardin, Giorgio Faggin, Shakespeare, Baudelaire, Boutens, in versi friulani, Vicenza 2013)
-
adi., s.m.
cui che al fâs alc tant che prime ativitât di vuadagn, no dome par passion:
simpri presints, mo tun consorzi agrari, mo tun consorzi di cooperativis… Chei cuatri li a deventin i partecipadôrs professioniscj (Riedo Pup, I furlans e la partecipazion);
i fotografs professioniscj a rivin a rindi dut miôr cu lis lôr tecnichis e i zûcs di lûs (Checo Tam, Sense)
-
[TS]
sport
cui che al pratiche un sport tant che prime ativitât di vuadagn, no a nivel amatoriâl:
[i sports tradizionâi frisons] a vegnin zuiâts ancje di professioniscj (Dree Venier, Frisie, tiere di sport autocton)