indipendent
/-ènt/
in|di|pen|dent
[AF]
-
adi.
che nol dipent di altris, che nol è subordenât, che nol à vincui:
mi someave di no vê la autonomie che e bastave par vivi cence Martin, par dâi forme a la mê esistence in maniere indipendente (Carlo Sgorlon, Il dolfin);
zoventût alegre, senze fastidis, passionade pa la art e pa vite libare, francje, indipendent, che a voltis no sa neâsi nissun plasê (Zuan Lurinçon, La Madalene)
Sin. autonom
, autosuficient
, libar
-
adi.
di stât, nazion, comunitât, teritori e v.i., che pes sieltis politichis o militârs nol dipent di un altri stât:
un sondaç comissionât de la Repubblica a Ivo Diamanti, za cualchi mês, al concludeve che scuasit il 70% dai furlans al è par un Friûl indipendent (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
Cfr. autonom
-
adi.
di grup, moviment, associazion, che nol dipent di un stât, di un guvier, di un partît o di un grant grup di podê:
la ELEN - European Language Equality Network […], une organizazion indipendente che e ten dongje une schirie di associazions e altris entitâts che a son espression di minorancis e nazionalitâts (Marc Stolf, Comunicazion sanitarie, lenghis minorizadis dismenteadis dai guviers)
Sin. libar
-
di orghin di informazion, no controlât di un partît o di une istituzion:
nô [de Patrie dal Friûl] si proclamìn indipendents, no servìn nissun partît (Josef Marchet, A chei che no àn ancjemò capît)
-
adi.
di editôr, cjase discografiche o audiovisive, che nol dipent di grancj grups:
un esperiment interessant de bande di un produtôr indipendent al è stât par esempli chel de serie Felici ma furlans, che e à vût une vore di preseaments (Fabian Ros, Interviste cun Giorgio Cantoni)
-
adi., s.m.
[TS]
polit.
che, cui che si presente candidât te liste di un partît dulà che nol è iscrit o che al à une incjarie politiche cence jessi iscrit tun partît:
Di Cjaurià al veve dimissionât in maniere clamorose dal Mf tal 1972 restant conseîr regjonâl indipendent (Adrian Cescje, Memoriis di politiche linguistiche)
