Dizionari de Lenghe Furlane

armât  ar|mât  [CO, FO, TS]

1. p.pass. viôt armâ , viôt armâsi
2. adi. che al à une o plui armis:  un soldât armât, resterà cun lui par tornâlu a acompagnâ subit dopo (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera); doi di lôr armâts di mitra e di bombis a man (Roberto Ongaro, Il muc)
3. s.m. om preparât pe vuere:  Celtics transalpins che a saressin vignûts dal 186 p. di C., par stradis mai cognossudis e mai praticadis, in numar di 20.000 armâts (Josef Marchet, Cuintristorie dal Friûl fin sot la Italie); pa li vilis jara un continuo va e vegni di armâts (Ranieri Mario Cossâr, La storia di Smeralda e di Varnieri)
   Sin. vuerîr , soldât , militâr
4. adi. che si fâs cu lis armis, che al à a ce fâ cu lis armis, cu la vuere:  la rivoluzion armade ju veve fermâts a mieç troi (Domeni Zannier, La crete che no vai); cerimoniis armadis, o sfiladis (Riedo Pup, I furlans e lis armis); dal 1983 la comunitât Tamil e à inviade une lote armade pe indipendence cuintri la maiorance cingalese (Renzo Balzan, Un mont di vueris smenteadis)
5. adi. che al à un o plui imprescj:  a jerin za su la place, armâts di breons, clauts, seis e martiei, par fâ un passalizi (Roberto Ongaro, Il muc)
   
   1. che al è furnît di alc, ancje imateriâl:  Sant Antoni armât di tante pazience, al disè: "Sintìn mo" (Angelo Covazzi, Sant Antoni e il Diaul); al faseve plui rabie il fâ sierât e scontrôs de Ane, e chel so spirt simpri armât di malfidence (Maria Forte, La aghe dal Ariul)
6. adi. (fig.) che al è furnît di alc:  a partirin istès. Armâts di fede e di cualchi forcje (Riedo Pup, Gran Dio benedite l'Italia); al faseve plui rabie il fâ sierât e scontrôs de Ane, e chel so spirt simpri armât di malfidence (Maria Forte, La aghe dal Ariul)
7. adi. [CO, TS] tecn. che al à une struture furnide di alc che i da plui fuarce:  simpri gnûfs materiâi (ghisis, lastrons di veri, açâi, betons armâts, plastichis rinfuarçadis e vie indevant) (Alessandro Bachiorrini, Maltis armadis pes struturis dal tierç mileni)
8. adi. [TS] erald. di animâi, cu lis çatis o cu lis sgrifis di colôr diferent di chel dal cuarp
   
   1. di lancis, di frecis, cu lis pontis di smalt diferent di chel des astis
   2. di vuerîrs, che a son vistûts cu la armadure
9. adi. [TS] bot., zool. di plante o animâl, che al à aseis, lincins, spinis, une corace protetive cun funzion di difese o di atac

Proverbis:

• om visât al è mieç armât