armâr
ar|mâr
[AF]
-
s.m.
mobil grant, cun portelis che si puedin vierzi e sierâ, par meti vistîts, blancjarie o ancje cualsisei altre robe:
a tirin fûr dai armârs che a odorin di lavande il linzûl di nuviçâl cu la puntine (Pieri Somede dai Marcs, Corpus Domini);
se il legnam, che i puartavin par fâ une taule o un armâr, nol jere avonde biel e stagjonât, a 'nt meteve dal so, par no presentâ un mobil che al parès mâl (Josef Marchet, Lis predicjis dal muini);
al jere jevât sù e al sgarfave tune tasse di librons dentri dal armâr (Dino Virgili, La aghe da pît la cleve)
Sin. armaron
-
mobil di cusine li che si ten la robe di mangjâ:
lis feminis pe fam a jevavin dal jet a dute gnot a cirîsi tal armâr un toc di pan vanzât (Alan Brusini, Come tai romançs);
al cirive tai armârs, par parâ jù une zonte di cene, che al veve simpri une slisse di chês (Maria Forte, Cjase di Dalban)
Sin. dispense
, salverobe
, credince2
-
s.m.
(fig., scherç.)
persone robuste, alte e gruesse:
"[…] Ad ogni bon cont o ti lassi un agnul custode, vere Rico?" Il grues al rugne di sì. Dibant stâ a dî che a lâ ator cuntun armâr dal gjenar lis indagjinis si ingherdein (Sandri Di Suald, Ah! la provincie)
Sin. marcandali
, armaron