aghiç
/-ìç/
a|ghiç
[CO]
-
s.m.
licuit organic formât pal plui di aghe, in particolâr licuit che al puarte i elements nutritîfs tai organisims vegjetâi:
e àn fassât il tronc e çoncjâts fuart i ramaçs par che no supassin plui di tant il vigôr dal aghiç che al ven sù des radrîs (Pieri Somede dai Marcs, Il bufulâr);
no mangji ravanei, bledis, ne cocis, / robe che sa di aghiç, emple la panze, / e sarà buine par lis vuestris bocjis; / par me la cercji a pene par creance (Emilio Nardini, La Batracomiomachie di Omero);
l'arbul al butave fûr il so aghiç, al ingrispave la scusse, che si pleave in luncs sfris incrosâts (Franco Marchetta, Madalene)
Sin. umôr
, agadin1
, aghice
, aghe
, linfe