acût
a|cût
[CO]
-
adi.
[BF]
in forme di ponte o cuntun profîl a ponte:
il rasâ il corean cun un instrument acût nol è permitût, parcè che al po vignî facil ruinât (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. spiçât
, uçât
-
(fig.)
che si pues assimilâ in cualchi maniere a une ponte, a alc che al sponç:
un rimuars acût e insanabil lu ponç dì e gnot (Zuan Luîs Filli, Il diau sul Studeniz)
-
(fig.)
caraterizât di finece, precision, capacitât di penetrazion o di percezion e v.i.:
il to odorât jere assai plui acût dal mio (Zuan Luîs Filli, Il farc)
-
adi.
[CO]
di sun, caraterizât di frecuencis altis:
il vuicâ acût e lunc dal purcit (Diego Navarria, La misure dal salam)
-
s.m.
sun, soredut musicâl, caraterizât di frecuencis altis:
a viodi chês bielissimis cjargnelis / sparniçadis ca e là par boscs, par plans, / mi leve, us zuri, il cûr in çançarelis, / co slançavin ju acûts oltre i soprans (Toni Broili, Il furlan in Parnâs)
-
adi.
[TS]
gram.
di acent, che al è rapresentât cuntune linie che e va dal bas a çampe adalt a diestre e che al pues segnâ, tal câs des vocâls mediis, une pronunzie plui alte o sierade:
tes peraulis furlanis no si dopre l'acent acût (par esempli, si scrîf parcè e no parcé; cumò e no cumó) (Maria Chiara Visintin, Gabriele Zanello, Lenghe e culture 1)
Sin. sierât
Cfr. grâf
, viert
-
adi.
di manifestazion patologjiche, che e à un cicli curt e violent:
cundut che centenârs di lavoradôrs a àn ricevût dosis parsore dal normâl, nol è stât nissun câs di sindrome acude di radiazion (Alessandro Pascolini, Il disastri de centrâl nucleâr di Fukushima Dai-ichi)
-
di malât, che al patìs di une patologjie intune fase che e à un cicli curt e violent
-
s.m.
malât che al fronte une fase patologjiche curte e violente:
la fase de cure pai acûts (l'ospedâl) e la fase de cure pe convalessence o la cronicitât (RSA, miedi di base…) (Marta Vezzi, Riforme sanitarie regjonâl, si dislozial ancje in Cjargne?)
