Dizionari de Lenghe Furlane

a voltis    [AF]

1. loc.av. cuntune frecuence indefinide, intune cuantitât temporâl limitade rispiet al simpri o al spes:  [il tren si svicinave] tun scjassâ di ferace, tun smenâsi di stantufs e braçâi che si ingrandive simpri di plui, forât a voltis di sivîi luncs (Dino Virgili, La aghe da pît la cleve); a voltis la Lisute si cjapave sù e e lave ancje jê tal cjamp a judâ so pari che al dave di côt al falcet (Maria Forte, La fie çuete)
   Sin. des voltis , cualchi volte , cualchi viaç , ogni tant
2. loc.av. in ciertis eventualitâts, che si capissin dal contest:  «Tonin, a voltis te vite a tocjin ciertis robis che se no fossin di bessôi a viodilis cui nestris voi, a tocjâlis cu lis nestris mans, si disarès che a son inventadis […]» (Pieri Menis, Si disarès che e je inventade); la vite, par altri, e je fate di tantis robis e situazions diferentis che a voltis si cognossilis e a voltis no e lis decisions dal om a vegnin cjapadis, simpri, cun chel pôc di cjâf che ognidun al à e a la lûs di chel pôc che al sa (Roberto Ongaro, Il muc)
   Sin. cualchi volte , des voltis , cualchi viaç , ogni tant

Components:

• volte s.f.