Crist
Crist
[FO]
-
s.m.
tant che aposizion di Jesù, fi di Diu daûr de religjon cristiane, in origjin par segnâ che al jere ont dal Signôr:
te liturgjie di cheste gnot, o vin vût l'anunzi che Jesù Crist al è resurît pardabon dai muarts (Francesc Placerean, Crist resurît al colme dute la sperance dal om)
-
tant che non propri, ancje cence che tal ûs e sedi simpri cussience dal significât origjinari di ont dal Signôr:
nol esist un om vonde inicui par che Crist no lu salvi. Nol esist un om vonde disgraciât par che Crist no lu consoli (Francesc Placerean, Crodi e mût di crodi)
Sin. Jesù
, messie
, redentôr
, salvadôr
, Signôr
-
ancje minuscul, rapresentazion artistiche di Jesù:
te lôr glesie no si cjate nancje tant di passi une surîs; dome cuatri cjandelîrs, cualchi veri di rosis e cualchi crist: dute robe che di bessole e pant il paron (Josef Marchet, Lis predicjis dal muini);
un vecjo Crist di bande, inrusinît e plantât suntun clapon scuadrât a maçûl, subit fûr dal paîs (Pieri Menis, La int)
-
dispès in espressions enfatichis, interietivis, ancje blasfemis:
sepi Crist indulà che si cjate a jessi; e dute la sô robe a son daûr a sbridinâle cui dincj, come cjans, i siei parincj (Josef Marchet, Lis predicjis dal muini);
nol rive a dî cuatri peraulis in rie cence tirâ jù criscj o madonis;
le veve tant bramade, Crist, chê sigurece… chel vivi seren cence plui fenzi! (Maria Forte, La tiere di Lansing)
Polirematichis e espressions idiomatichis
Proverbis:
- beât chel che al po bussâ il Crist di bessôl
- fin che al è viert il granâr di crist, cui che no si inzegne al è trist
- fin che al è viert il solâr di Crist, cui che no si inzegne al è trist
