messie /-ì-/ me|ssi|e [CO, TS]
- s.m. stor., religj. salvadôr politic dal popul di Israêl, ispirât di Diu
- s.m. Jesù Crist, tant che salvadôr dal gjenar uman: [Lazar] a pene sintude la vôs imperiose dal Messie, al jere vignût fûr dal sepulcri (Carlo Sgorlon, Il dolfin)
- s.m. (ancje iron.) cui che si calcole un salvadôr: [Berlusconi] l'om simbul, il "Deus ex machina", il salvadôr de patrie, il messie, deventât paron, dopo des televisions, de stampe, des assicurazions, dai telefons, des scuadris di balon (Antoni Beline, Politichis 2001: la gnot de reson)