çonc
/-ò-/
çonc
[CO]
-
s.m.
[CO, TS]
zûcs
toc di len o di altri materiâl, sacomât, che si met impins e che al fâs di bersai par jessi butât jù cuntune bale butade di lontan:
se il nono, cu lis sôs manonis i tocjave i zuiatui: il teatrin des marionetis o i tassei dal domino, il trenin sui binaris, i çoncs di butâ jù cu la bale, [...] lui i berlave (Alan Brusini, Il signorino)
-
tal pl., zûc li che si à di butâ jù chei tocs di len sacomât cuntune bale:
co sarìn stufs, o lassarìn il bal, / e zuiarìn di çoncs e di purcite (Pieri Çorut, A Tite Bas);
la fieste, di sere, al podeve fâ une partide di balis o di çoncs (Nin dai Nadâi, Cercandui)
-
s.m.
toc di tronc o di ramaç sù par jù cilindric
Sin. çoncule
Cfr. çoc
-
s.m.
element cilindric, di len o di altri materiâl