zenoli
/-ó-/
ze|no|li
[FO]
-
s.m.
articolazion jenfri femur e tibie o plui in gjenerâl part de gjambe jenfri cuesse e sghinc, soredut de bande devant:
cu lis mans si tignive tal desc, i clopavin i zenoi (Roberto Ongaro, Il muc);
[I fruts] a corevin come discjadenâts. Dispès si scussavin i zenoi (Maria Forte, Cjase di Dalban);
i umign cui bregons ravaiâts sù pes gjambis pelosatis fin avuâl dai zenoi, a lavoravin di uce (Dino Virgili, La aghe da pît la cleve);
al cjapà sù la pale e i crevà il mani cuintri il zenoli, come se al fos stât un stec (Carlo Sgorlon, Prime di sere);
Rico al pipave su la sô cjadree là sù insom, un zenoli parsore chel altri (Meni Ucel, La visite dal vescul)
-
part devant o disore de cuesse, dongje di chê articolazion:
il cont al è un grant studiôs di musiche, che lui le scolte cu la partidure sui zenoi (Alan Brusini, Al Macalè);
cuvierts i zenoi, cuntune buine cuzine, tirât sù il folo [dal caretin] e il parepantan di corean, il nodâr al partìs te gnot scure (Pieri Somede dai Marcs, Dure leç)
-
s.m.
il toc dai bregons che al corispuint a chê part dal cuarp:
bregons curts cu lis curdelis tai zenoi (Dino Virgili, La aghe da pît la cleve);
bregons ni luncs ni curts e cui blecs filzetâts, sui zenoi (Maria Forte, La tiere di Lansing)
-
s.m.
ancje articolazion di çate di bestie, soredut di bestie macelade tant che ingredient:
[par fâ il brût] un biel vues di vacje, miôr se cuntun biel toc di cjar tacade: il massim al è il toc des cuestis […], o pûr un biel vues di zenoli e un tocut di muscul biel ros (Margherita Timeus, Il brût, la linfe dal invier)
-
s.m.
(fig.)
profonditât o altece che e corispuint a chê jenfri la plante dal pît e il zenoli:
su la place, a àn sgjavât un zenoli di tiere, a àn poiade la prime piere (Dino Virgili, La aghe da pît la cleve)
Polirematichis e espressions idiomatichis
Proverbis:
- a clopin plui i zenoi di disore a vignî jù, che no di abàs a lâ insù
- fin al zenoli ogni voli, dal zenoli insù nome jo e tu