vuide
/-ì-/
vui|de
[AF]
-
s.f.
il vuidâ, spec. il menâ un veicul:
no bevi […] cuant che si à di metisi ae vuide de machine o di un machinari (Guglielmo Pitzalis, Mole il bevi!)
Var. guide
-
complès dai comants par menâ un veicul:
une machine cu lis puartis che si vierzevin a ale di cocâl, ven a stâi, par aiar e cu la vuide a çampe (Checo Tam, U.F.O.)
-
s.f.
direzion di une dite, di un partît, di une organizazion, di un grup e v.i.:
la Siae al è un ent che al è stât comissariât no sai tropis voltis (ancje cumò al è comissariât), e ogni volte che si à provât di meti ae vuide un tecnic e je lade strucje (Dree Venier, «No esistin piçulis leteraturis»);
un moviment mitût adun des stessis fuarcis che a àn volût consegnâ a Illy la vuide de Regjon (Anna Bogaro, Convergjencis paralelis)
-
s.f.
cui che al vuide, che al dirêç:
pre Antoni Beline al è stât la vuide carismatiche, il dean di Glesie furlane (Redazion La Patrie dal Friûl, L’impegn di Fontanini par pre Antoni)
Sin. mestri
-
(fig.)
cui che al fâs di model, di pont di riferiment:
te corint dai pitôrs "clariscj ", Zuan Antoni Pelegrini (1675‑1741) al jere la vuide, e al da un contribût une vore impuartant. Al è il precursôr e il plui grant interprete dal gust rococò (Bepi Agostinis, Storie de art in Friûl)
-
(fig.)
element cjapât tant che pont di riferiment:
criteris gjenerâi che a fasin di vuide pe sielte de grafie (Adrian Cescje, Memoriis di politiche linguistiche)
-
s.f.
cui che par profession al mene altris personis intun lûc naturâl, turistic e v.i.:
Mario Cedolin (n.1956) alpinist, vuide, membri di spedizions di grant impegn in Perù, Himalaya, Turchie (Redazion Lenghe.net, For Disore)
-
s.f.
test che che al compagne intune visite insegnant i ponts plui impuartants di un sît, di un museu e v.i.:
une vuide detaiade dal teritori cun ducj i servizis, i puescj interessants, lis stradis e v.i. (Laurin Zuan Nardin, Luigino Peressini, La maledizion dal esagon, Cormons, 2007)
-
test che al insegne une materie, une tecniche, une procedure e v.i.:
lis dôs autoris a àn metût adun une vuide pal insegnant, li che si puedin cjatâ lis soluzions dai esercizis e, in plui, une racuelte di schedis cun esercizis di rinfuarç (Fabian Ros, Publicât un cors di furlan)
Sin. manuâl
-
s.f.
[TS]
mec., artes.
element che al permet o che al oblee la regolaritât di un moviment, di une disposizion
Cfr. sine