vuastâ
vuas|tâ
[CO]
-
v.tr.
fâ lâ di mâl:
"Tin, cui aie vuastât il vin?" E lui sence fal us vose: "Il gjaul!" (Luigi Gortani, Esempi di armonia imitativa nella lingua friulana)
Sin. corompi
, intacâ
, fraidessi
Var. guastâ
-
ruvinâ o tocjâ cuntune infezion, cuntune patologjie e v.i.:
e rivave ancje la temude canicule, che a vuastave lis aghis (Mario Martinis, Il grant lunari dal Friûl. Lui)
-
v.tr.
(fig.)
fâ lâ in piês di un pont di viste morâl, psicologjic, sociâl, economic, estetic e v.i.:
il timp al vuastave pluitost che comedâ lis robis de lôr famee (Maria Forte, Cjase di Dalban);
[la mari] tignive simpri di voli siei fîs, e no voleve che lessin mai in compagnie, par pôre che i triscj compagns ju vuastassin (Valentino Ostermann, Tu pensis nome a divertiments e goloseçs)
Sin. corot1
, depravât
, macolât
, tarizât
, frait
-
v.tr.
fâ che nol sedi pussibil gjoldi di alc:
chel [pinsîr] mi vuaste un pôc il vivi (Maria Forte, La tiere di Lansing);
e fermìnsi culì par no vuastâi al letôr il plasê di scuvierziju lui chei nons (Laurin Zuan Nardin, Marie Fanin, Le frute che e dave i nons..., Basandiele, 2011)
Sin. ruvinâ
-
v.tr.
fâ vê dams grâfs, fin a fâ pierdi integritât e utilitât:
conven di rispietâ i farcs, se ben che cualchi volte e vuastin i semenâts, parcè che chestis besteutis e dan la cjace a mil insets (Emilia Baldassarre, Ort e cusine);
il duche nol voleve gjavâ difesis ae sô tiere, che e varès podût jessi vuastade di scorsadis di Avars o Sclavons (Sandri Carrozzo, Rotgaut e la politiche furlane langobarde);
jessint che no vin podût viodi il manuscrit, no podìn lassâ fûr la ipotesi che il supuart de scriture al vebi stât vuastât (Zorç Cadorin, Cualchi ipotesi sul furlan di prin di scrivilu)
Sin. fiscâ
, ruvinâ
, sassinâ
Proverbis:
- cui che nol sa scorteâ al vuaste la piel
- puaretât no vuaste buinegracie
- un piruç vuast al vuaste chei altris
- une gote di sinç e vuaste un pitêr di mîl