voghe
/vò-/
vo|ghe
[CO]
-
s.f.
azion di vogâ, di remâ, di mandâ indenant une barcje fasint fuarce cui rems:
"Anìn!" disè al fi, e si butà cun duta la persona a una voga infuriada (Federigo Comelli, Il me paîs)
-
s.f.
compuartament gjenerâl che al caraterize il mût di vivi intun ciert moment storic o intune cierte comunitât:
a fasevin musiche di stîl Duran Duran, tant che al jere di voghe in chê volte (Mauro Missana, Robert Miles from Friûl)
Sin. mode
-
s.f.
maniere di cjantâ o di sunâ e cjançon o musiche cjantade o sunade intune cierte maniere:
la zoventût, daûr di chê armoniche indafarade a sunâ lis voghis sveltis, e cumbinave i pas, e imparave lis cjantis (Novella Cantarutti, Isef)
-
s.f.
robe, vere o false, che si dîs ator, che e je crodude di ducj o di tancj:
cualchi femenute e veve passade la voghe che il capelan di Piluver, di stramp che al jere, al veve il don di savê robis che chei altris predis no jerin in grât (Antoni Beline, Pre Pitin)
Sin. cjacare
Polirematichis e espressions idiomatichis