Dizionari de Lenghe Furlane

vanzeli  /-é-/  van|ze|li  [FO]

1. s.m. dispès cun iniz. maiusc., ognidun dai libris di fonde dal cristianisim, in particolâr dai cuatri canonics, di Marc, Luche, Mateu e Zuan, che a formin il Gnûf Testament:  il rosari al finive, e subite il plevan al tacave a lei il principi dal vanzeli di Zuan (Meni Ucel, Messe a straoris); [pre Checo] al à dit ancje che il so program al è chel di tradusi dute la Biblie, che la traduzion dai Vanzelis e je dome l'inizi de imprese (Adrian Cescje, Memoriis di politiche linguistiche); leìnt i Vanzelis si inacuarzisi che i apuestui no crodin cuant che ur disin: "O vin viodût il Signôr" (Francesc Placerean, La Pasche)
   
   1. il messaç de resurezion di Crist:  lassarin daûr di se la glesiuta di Sant Marc, dulà che la tradizion nus conta che sei smontât la prima volta l'evangjelista par predicjâ il so vanzeli (Federigo Comelli, Il me paîs)
   2. dut il Gnûf Testament:  il gleseam al varès di vê un misurin diferent, midiant che al varès di ispirâsi al vanzeli, che al puarte i piçui a preference dai grancj (Antoni Beline, Pre Pitin); «La veretât e je tal Vanzeli - dissal il plevan - e no covente lâ a cirîle in nissun altri puest (Riedo Pup, I furlans e i gjornâi)
   3. [TS] lit. leture sielte di un tescj di Marc, Luche, Mateu e Zuan che si lei tune funzion:  o vês sintût a lei il Vanzeli de fieste di vuê. O vês sintût fevelâ Crist che al dîs di jessi re, no di chest mont, ma re di justizie, testemoni di veretât (Francesc Placerean, Crist re cence prepotence); pre Jaroni al passà al Vanzeli (Dino Virgili, La aghe da pît la cleve)
2. s.m. (fig.) creance, maniere di pensâ, fâ, compuartâsi cun chei altris che e je calcolade buine:  se si va indenant cun chestis grintis, cence un tic di vanzeli di chel just al è dibant sperâ ben (Pieri Somede dai Marcs, Un pugn di moscjis)
3. s.m. (fam., fig.) veretât assolude che no si pues meti in discussion:  nol è di dî che in chescj libris si puedi cjatâ un vanzeli, o une obietivitât di meti la man sul fûc (Josef Marchet, Cuintristorie dal Friûl fin sot la Italie)
   Sin. aur , biblie

Polirematichis e espressions idiomatichis

• capî il vanzeli loc.v.
• sacre de vanzeli loc.inter.