vacance
/-àn-/
va|can|ce
[AF]
-
s.f.
il no lavorâ par une zornade o plui dispès par plui zornadis, ancje mantignint la paie a norme di contrat:
o lavori tantononon, no ai vite sociâl e ogni tant o ai propit bisugne di stacâ la spine. Alore o rivi a cjolimi un o doi mês di vacance (Alberto Zeppieri, Pellizzari, jene furlane)
Sin. feriis
-
dade di timp avonde lungje che no si va a scuele, in gjenar sot des fiestis di Nadâl, sot Pasche e vie pal Istât:
e mancje dome cualchi dì aes vacancis e jo o soi avilide parcè che al è l'ultin an des mediis e cumò nus tocje dividisi par cjapâ ognun la sô strade (AAVV, Sul florî)
-
s.f.
permanence par plui dîs intun puest diferent di cjase cuant che no si à di lavorâ, polsant o fasint ativitâts di divertiment:
la vacance in campagne e jere une manie dai Venezians, che a fossin siôrs o puar, patrizis o int dal popul (Pierluigi Visintin, Friûl e furlans te Histoire de ma vie di Giacomo Casanova);
sul puest di vore la int che e va in vacance a lis Canariis o a Djerba mi cjale come se o fos un marzian cuant che i dîs che o voi alì (Checo Tam, La maree nere)
Sin. feriis
-
s.f.
mancjance temporanie di un titulâr, responsabil, sorestant e v.i.:
la lungje vacance di podês politics stabii e struturâts daspò de sdrumade dal Imperi Roman di Ocident lu veve usât a une autonomie sù par jù incontrastade (Adrian Cescje, Viaç aes origjins dal Logos)
Sin. assence
, mancjance