turcli
tur|cli
[CO, TS]
-
s.m.
agr., mec., tecn.
imprest fat di un recipient cuntun as centrâl a vît, li che si monte une sorte di presse che si sbasse par strucâ la ue o ancje dome la trape:
po la trape, sot il turcli, / nus prepare un atri vin: / jemplarìn di Istât la boce / e la sêt distudarìn (Enrico Fruch, Vilotis del vin);
si sintive dome, mo sì mo no, il clicâ dal turcli, sot un puarti; lis vôs dai omps tal sfuarç de lôr fadie e il vin che al spissulave jù, te sutine (Rinaldo Vidoni, L'amôr di Beput)
Sin. turcladôr
-
imprest che al à chel stes funzionament, che al covente par pressâ altris materiâi:
une altre machine util l'è il turcli idraulic pal fen (Giuseppe Ferdinando del Torre, Il contadinel. Lunari par l'an 1857)
-
s.m.
vin fat cun chel imprest:
al mi à dade une tace di turcli (Josef Marchet, Aggiunte al Nuovo Pirona)
-
s.m.
(fig.)
ce che al presse, al frache, al struche, al scjafoie e v.i.:
il turcli des tassis al funzione tant che il moto perpetuo (Pieri Somede dai Marcs, Tripoli bel sol d'amore)
-
s.m.
(fig.)
persone mâl in sest o problematiche o buine di nuie, ancje tant che ofese gjeneriche:
cuant che il podestà Cavoli, chel turcli di forest vignût di Rome, a puartâ il «duce» culì, al frontà i conzurâts difûr de ostarie di Ovan, lôr se spietavin e no dinearin (Riedo Pup, Il moto dal 28)
Cfr. osti
, osteât
, clostri
, cancar1
