tucâ
tu|câ
[AF]
-
v.intr., v.tr.
dâ colps tune puarte o sim., par visâ che si è e par domandâ di jentrâ:
a faserin ancjemò cualchi desene di pas e a tucarin te prime puarte (Josef Cjargnel, Il Lâc di Cjavaç);
in chel si sint a tucâ su la puarte, une, dôs, trê voltis (Luigi Gortani, La invidiose);
l'om i passà denant, jù par un coridôr che le sofegave, e al tucà a une puarte (Maria Forte, La tiere di Lansing);
un fantacin ancjemò cence pêl su la muse al tucà la puarte (Gianni Gregoricchio, Trê feminis);
tucât trê voltis e dopo dôs, come che a jerin restâts convignûts, si viodè a vierzi la puarte di Tite in persone (Roberto Ongaro, Il muc)
Sin. pocâ
, bati
-
(fig.)
cirî o fâsi sintî par domandâ un plasê, par fâ indevant une pretese e v.i.:
e tucà a dutis chês cognossincis che a varessin podût salvâi l'om (Maria Forte, Cjase di Dalban)
-
v.intr., v.tr.
dâ colps o colputs in gjenerâl:
[i miedis] ti cjalin, ti voltin, ti tuchin a pene e ti dan a la svelte une ricete (Pieri Somede dai Marcs, Un pugn di moscjis);
la ploie e tucave fuarte e fisse sul telon (Dino Virgili, La strade come un destin);
cul cûr che al tuche che mai, a rivin insom de campagne (Ivano Urli, Storie di Vera)
Sin. bati
, trussâ
, pocâ
, trucâ2