traditôr
tra|di|tôr
[AF]
-
adi., s.m.
che, cui che al abandone o al fâs dam o al passe de bande dai aversaris o dai nemîs dopo che si jere impegnât a jessi fedêl a un grup, a une organizazion, a une istituzion o a une idee:
la monarchie traditore e vûl consegnâ la Italie in man de plutocrazie inglese (Roberto Ongaro, Il muc);
ducj i spions o traditôrs cui so partecips, saran condanâts a la forcja (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Cfr. dopli
, fals
, Jude
, muse di dôs musis
-
adi., s.m.
che, cui che al va cuintri dal impegn di fedeltât sentimentâl o sessuâl:
"Vô no mi spietavis cheste sere! Vô e tremais, vô e vês pôre! … Ah sacredevanzete! … Cui isal vignût ca dentri? … Beltramine traditore!" (Arturo Feruglio, El cercandul)
-
adi.
ancje di alc di inanimât, che al puarte a fâ valutazions faladis, a patî consecuencis no previodudis o che al è dificil parâsi:
lui, i vecjos pinsîrs, ju podeve sopuartâ dome te cjoche: sei di vin, o di amôr, o di alc altri. Ma il vin nol jere malsigûr come la Leni, ni traditôr come lis peraulis dal Talian (Maria Forte, La tiere di Lansing)
Sin. dopli
, fals
-
s.m.
cui che, ancje cence vê cjapât prime un impegn di fedeltât, al fâs dal mâl a cdn. che no sal spiete, ancje tant che ofese gjeneriche:
"Ah! chiste volte no tu mi scjampis plui! traditôr, canaie, cussì gji tocjarà a ducj chei che dismentein el ben vût di cualchidun, e no dome lu dismentein, ma a pricurin di fâgji dal mâl al so benefatôr, come che tu âs fat tu" (Dolfo Zorzut, Instoriis e liendis furlanis)
Proverbis:
- il traditôr al trai il clap e al scuint la man