Dizionari de Lenghe Furlane

tosseâ  to|sse|â  [BF]

1. v.tr. contaminâ cun velens o sostancis che a fasin mâl ae salût:  [il drâc] fûr di chês siet bocjatis al ti bute fûr un fun che el ti tossee e chei voi ti vampin lusignis di fûc (Dolfo Zorzut, El Drago)
   Sin. velenâ , intosseâ , invelenâ
   
   1. dâ di mangjâ, di bevi, di respirâ e v.i. un velen o alc che al fâs mâl:  al ven sugjirît di tosseâju [i farcs] (Giuseppe Ferdinando del Torre, Il contadinel. Lunari par l'an 1865)
   2. di velen o altre sostance o ancje di materiâl cun alte cjarie bateriche, fâ dam al organisim
2. v.tr. (fig.) jemplâ di rabie, di gnervôs, di esasperazion, di smare e v.i.:  e jo torni cul pinsîr a lis nestris strussiis, a la tristerie che ûl tosseâ la vite di chiste puere int (Dolfo Zorzut, Chê dal odulat)
   Cfr. invelegnâ , velegnâ