intosseâ
in|to|sse|â
[CO]
-
v.tr.
contaminâ cun velens o sostancis che a fasin mâl ae salût:
[il drâc] cul so flât impestât al intosseave la font a talmentri, che cui cu sedi, nemâl o cristian che al intivàs a bevint, al colave sec incandît cence vite (Josef Cjargnel, Il dragat dal Fontanon)
Sin. velenâ
, tosseâ
-
dâ di mangjâ, di bevi, di respirâ e v.i. un velen:
incretade sul scrupul che tal scûr i strafuissin la sô robe, e par svindic e intosseave i gjats dal curtîl (Maria Forte, I arcs)
-
di velen o altre sostance o ancje di materiâl cun alte cjarie bateriche, fâ dam al organisim:
il palc dulà che o vevin simpri durmît al jere involuçât tune fumere dal diaul; di intosseâ (Maria Forte, Cjase di Dalban)
-
v.tr.
(fig.)
fâ deventâ plui grâf, plui dûr:
dutis chestis vicendis a intossearin i ultins agns di vite di un om che al veve simpri fat il so dovê (Giovanni Pillinini, Zuan Batiste Cavedalis - Une vite esemplâr)
Sin. ruvinâ
, vuastâ
-
fâ deventâ plui fastidiôs, rabiôs, negatîf:
cence finî mai inte polemiche rabiose individualiste e stupide che di agns o jeri usât a viodi intosseâ lis cunvignis su la lenghe e la stampe nostrane (Adrian Cescje, Memoriis di politiche linguistiche)
Sin. invelegnâ
, velegnâ
-
v.tr.
(fig., iperb., ancje ass.)
jemplâ di un brut odôr o ancje di un brut savôr:
une bugade di puçolence che e intossee dut il mandament (Josef Marchet, Lis predicjis dal muini);
si sintive pardut un odôr di musar e di pissin di cjan che al intosseave (Pieri Somede dai Marcs, Un testament)
Sin. impestâ
-
dâ une sensazion brute e une vore dure di sopuartâ:
gji vigniva sù dut l'amâr da sô puara vita di rimit e gji intosseava al cûr (Ugo Pellis, Catinuta)
-
v.tr.
jemplâ di rabie, di gnervôs, di esasperazion:
Zuan nol doprà peraulis ruspiis cun lôr. Lis lôr mancjancis, aromai, lu indoloravin sì, ma cence plui intosseâlu (Maria Forte, La tiere di Lansing)
Cfr. invelegnâ
, velegnâ