Dizionari de Lenghe Furlane

toc di pan    [CO]

1. loc.s.m. tal sens leterâl, part di pagnoche o pagnut:  al va te panarie, po tal scansel de taule a cirî un toc di pan e si met a mangjâ (Pieri Somede dai Marcs, Resurezion a Pontinie); al tacà a mangjâ biel planc e finide la mignestre al tocjà un toc di pan tal vin (Carlo Sgorlon, Prime di sere)
   Sin. bocon di pan
   
   1. (fig.) ce che si mangje, ce che al covente par vivi:  ai zirât di paîs in paîs, di citât in citât, cence padin, cence vê ben, lavorant par cuistâmi un toc di pan (Pieri Somede dai Marcs, Mame...); cirî un toc di pan, une cuarte di sotet, un fregul di dignitât (Antoni Beline, Sant Jacum, là che al finìs il mont)
2. loc.s.m. persone une vore buine:  al somee chel plui dûr e invezit al è une vore sensibil. Simpri disponibil cun ducj, un toc di pan! (Christian Romanin, Anime di grave, interviste dople cun Luca e Marco, protagonist e regjist dal docufilm "JNK oltri la ultime frontiere")

Components:

• pan¹ s.m.
• toc¹ s.m.