Dizionari de Lenghe Furlane

toc di cjarte    [CO]

1. loc.s.m. tal sens leterâl, sfuei o toc di sfuei di cjarte:  Eliseo al sintive frêt e si jevà sù par lâ a viodi dal fûc. E jere ancjemò cualchi bore, cuasi dute consumade. Al cirì un toc di cjarte e un len sec (Carlo Sgorlon, Prime di sere)
   Sin. blec di cjarte
2. loc.s.m. (coloc., spres.) titul di studi:  cun sudôrs e sanc a àn cirût, come ducj, di dâur ai fîs une istruzion e un toc di cjarte che ju metès a pâr di chei altris (Antoni Beline, La catedrâl de culture)
   Sin. blec di cjarte
3. loc.s.m. (coloc., spres.) document uficiâl, in câs ancje cence valôr o cuntun valôr dome nominâl:  o ai firmât lis dimissions in blanc e cualchidun al à cjolt chel toc di cjarte e lu à puartât in Provincie, al protocol (Oscar Puntel, Il gnûf moviment politic rivât te galassie dal furlanisim: Patrie Furlane)
   Sin. blec di cjarte

Components:

• cjarte s.f.
• toc¹ s.m.