terace
/-à-/
te|ra|ce
[CO]
-
s.f.
part plane e scuvierte parsore di un edifici:
chês [cjasis Balilla] a vevin lis teracis spacadis che dentri al ploveve dibot plui che no difûr e i mûrs cun sclapaduris che Diu nus vuardi (Pieri Somede dai Marcs, Lis nestris rosis);
l'apartament di vie Volturno al fo un afâr pe Cooperative di informazion furlane, che e rivà a disponi ancje de terace dulà meti la antene (Max Mauro, Un Friûl difarent: i 90 mhz di Onde Furlane)
Cfr. altane
-
part di un plan di edifici che e da sul difûr, che e je vierte e in gjenar limitade di un parepet:
la terace di piere scuride si slungjave fin ae puarte di ingrès dal salon (Alan Brusini, Par stradis lungjis)
Cfr. puiûl