tassel
/-èl/
ta|ssel
[CO]
-
s.m.
toc di tiessût, piel o corean che si cûs su di une buse o su di une sbregadure par comedâ vistîts, scarpis o sim.:
vê la cjamese justade e il tassel sui bregons (Maria Forte, La tiere di Lansing)
Sin. blec
, tacon
-
s.m.
toc di tiessût no tant grant, retangolâr o ovâl, li che si poin i pîts par cjaminâ strissinant i pîts par no lassâ i segns des scarpis tal paviment lustrât:
nuie sentâsi e nuie cjaminâ [te sale]. Al massim cualchi pas in scjapinele, o une slichiade sui tassei di peçot (Riedo Pup, I furlans e il camarin)
-
s.m.
toc di len, di piere o di altri materiâl par jemplâ une buse o par che un claut o une vît a fasin prese tune buse:
a fuarce di martiei, di tanaiis, di soremans, di brucjis, di cjavilis, di tassei, di conis, di rimès, di stucs, di vernîs, la barache e jere dade dongje o ben o mâl (Josef Marchet, Personis e pipins)
-
s.m.
(ancje fig.)
ognidun dai tocs che al forme un mosaic:
un tassel fra i tancj di chel mosaic (Antoni Beline, Autonomie e religjon)
-
s.m.
(fig.)
cualsisei robe avonde piçule, pal solit di forme cuadre o retangolâr:
un tassel di barcon iluminât di vegle (Maria Forte, L'avôt)
Sin. blec