tarlupâ
tar|lu|pâ
[CO]
-
v.intr.
ancje impers., fâ lamps, fâ lûs par vie des scjariis eletrichis tra nûi o tra cîl e tiere:
ma siroc da mezore al mungulave, / il nûl e si ingrumave; / al tarlupe di ca… / al tarlupe di là… / di moment in moment / cres il businament (Pieri Çorut, Ne lis gnocis Riç-Ribano);
dopo vê ben tonât e tarlupât, par solit ancje il brut timp si sbroche cuntune slavinade (Giovanni Gortani, Un gustâ diplomatic);
il timp l'è scûr, ma a tarlupâ scomence il prin lamput (Enrico Fruch, Fevrarut);
a pene che al è lât a mont il soreli, ve la tiere che e scjasse, ve il cîl che al tarlupe; la buere si scjadene e tu sintis il berli dal montafin (Josef Cjargnel, Il Lâc di Cjavaç)
Sin. lampâ
Var. tralupâ
-
mandâ lûs o riflès di lûs, soredut a intermitence:
il vin tes tacis al treme tarlupant (Dino Virgili, La aghe da pît la cleve);
di lontan te fumadice a tarluparin dôs lûs rossis, come i voi di un gjatat neri che al si strissinave indevant su lis sinis (Jolanda Mazzon, Fûr di timp)
-
v.intr.
(fig.)
fâsi traviodi o jessi traviodût:
chel fregul di storie patrie, che l’an passât us ai fat tarlupâ par enfre il racont «La crosade del Maladet» (Giuseppe Ferdinando del Torre, Il contadinel. Lunari par l'an 1869);
une lune grande e rosse e tarlupave daûr i arbui e lis cjasis, de bande di Raspan (Carlo Sgorlon, Prime di sere)
Sin. cimiâ
