Dizionari de Lenghe Furlane

tare  ta|re  [CO]

1. s.f. pês di un contignidôr o di un alc che si à di sotrai par otignî il pês net:  fate une prove - sul decimâl, / net, pûr di tare - mi mancjaressin / nûf o dîs chilos - par fâ il cuintâl (Zaneto, Il gno ritrat)
2. s.f. (fig.) element, ancje imateriâl, che si à di gjavâ par rivâ dongje dal vêr, dal just e v.i.:  di dut ce che si sint a dî, al tocje gjavâ la tare di un bon setante par cent (Josef Marchet, Lis predicjis dal muini)
3. s.f. (fig.) difiet, soredut di nassite, di cdn. o di alc, che al sbasse il valôr, la stime, la considerazion e v.i.:  chês [sûrs] plui grandis vevin rabie e ti cirivin simpri di cjatâ cualchi tare tor di chê ninine e subite corevin a dîgji a sô mari (Dolfo Zorzut, El miluç di aur)
   Sin. difiet , pecje
   
   1. difiet di nassite, che no si pues corezi:  no podìn crodi che [la sudizion] e sedi une tare de nestre raze che in altris timps, e in cualchi ocasion ancje cumò, e sa alçâ il cerneli e lâ incuintri cun dute la grinte aes plui gruessis e pericolosis dificoltâts (Josef Marchet, Sudizion, la pecje dai furlans)
      Cfr. rascje

Proverbis:

• nol è aur cence tare