svearin
/-ìn/
sve|a|rin
[CO]
-
adi.
che si svee adore:
cualchi gnot al jevave, al saltave fûr a cjaminâ, che la lune bateve intor stampant la sô ombre insiliose par tiare; e i plui svearins lu cjatavin sentât sul desc a cjalâ tal nuie (Dino Virgili, La aghe da pît la cleve)
Sin. abuinorîf
Var. sveiarin
-
adi.
che al svee o che al fâs restâ sveât:
e, posto che ogni dolôr al è svearin, vie pe gnot, e scugnive sopuartâ il pês dal no durmî, e chel i strassomeave i pinsîrs e i supave il sintiment (Maria Forte, La tiere di Lansing)
-
adi.
che al è plen di vivôr, di snait, di morbin e v.i.:
e poià sul barcon une scjaipulute cuntun luiar vert e svearin che si disfave in cjant, e al pareve che al ves vût la Vierte dentri di se (Maria Forte, Cjase di Dalban);
"Hi hi hi hi!" al fasè il lôf, che al jere il so mût di ridi "E je svearine la frute. No à la lenghe par dibant e no le à nancje pierdude pe strade" (Fabian Ros, Il lôf)
Sin. sveât
, gaiarin
, morbinôs
-
s.m.
viôt svearine
:
al sunà il svearin, jê e viarzè i voi. Difûr il cîl al prometeve ploie (Jolanda Mazzon, Fûr di timp)