stravagance
/-àn-/
stra|va|gan|ce
[CO]
-
s.f.
cualitât di ce o di cui che al è fûr dal normâl, che al à formis calcoladis particolârs e un pôc strambis:
un mio amì, che l'è taiât / a la antighe, si lagnave / di chê mate stravagance / dai vistîts di ogni colôr (Alfonso Deperis, Vivi e lassâ vivi)
Cfr. strambarie
, strambetât
-
s.f.
ogjet, detai, compuartament, aspiet, pinsîr e v.i. fûr dal normâl, particolâr e un pôc stramp:
tal cjâf o vevi tantis stravagancis, tantis fantasiis, tantis storiis e tancj siums (Pieri Menis, Il gno prin pâr di scarpis);
se un al fos stât li a filmâlu cun dutis lis bocjatis e lis musatis e lis stravagancis, al sarès vignût fûr un film come chei di Totò (Antoni Beline, La fabriche dai predis)
Cfr. strambarie
, strambetât
, matetât
-
s.f.
iregolaritât dal timp meteorologjic, manifestazion o cundizion meteorologjiche che e je calcolade fûr di stagjon o fûr dal normâl:
sul Istât no sai ce dî: / o varìn cjalts di murî, / stravagancis, temporâi (Pieri Çorut, Il Strolic mezan. Pronostic par l'an 1856);
se par disgrazie e salte fûr une stravagance di timp, [i cavalîrs] e ritardin, parcè che no pudint consumâ par mancjance di cjalt e stan indaûr cul past (Giuseppe Ferdinando del Torre, Il contadinel. Lunari par l'an 1857)