stonfâ
ston|fâ
[CO]
-
v.tr.
(ancje fig., ancje iperb.)
bagnâ dal dut, fin ben indentri:
lis fumatis di Atom a finivin di distudâ il soreli bielzà flap e lis ploiis a stonfavin lis placis e a implenavin lis gjavis da la arzile (Dino Virgili, La aghe da pît la cleve)
Sin. imbombâ
, imbombî
, bombâ
, implombâ
, bombî
-
in particolâr bagnâ recipients di len di mût che lis dovis si sglonfin e il recipient nol pierdi:
e dopo si stonfaran, tinaçs, semplis, podins e brentis, cu la aghe frede e nete; vassiei e caratei, cu la bulide (Giuseppe Ferdinando del Torre, Il contadinel. Lunari par l'an 1867)
-
v.tr.
(fig.)
jemplâ dal dut ancje di alc che nol sedi aghe o che nol sedi un licuit:
la Sclavanie e po stâ cence lûs, cence aghe e cence stradis, ma Divuardi che no vignìs stonfade di spirt nazionalistic e di bufulis retorichis (Josef Marchet, La difese de culture taliane);
a si era lassada "imbroiâ" da un fantat che al veva prufitât di jê, stonfantla di promessis che a nol veva mai mantignudis (Aldo Tomè, Il pari pustiç)
Sin. jemplâ
, imbombâ
, imbombî
, sglonfâ